Diegene wat belangstel in perde en ‘n beroep daarvan wil maak, kies uit Horse Care, Equine Behaviour en vele ander vakke, terwyl die studente wat geinteresseerd is in Perd-Ondersteunde Terapie, ‘n gespesialiseerde en beroepgerigte kursus doen. Hierdie kursusse word aanlyn gedoen.

Uiteraard is die studie van die perd ook hierby ingesluit (Mooikrans se interne kursusse) omdat suksesvolle perd-ondersteunde terapie slegs kan plaasvind indien die fasiliteerder oor deeglike kennis van die perd beskik. Mooikrans se trots, ons trop van 50 perde, bied geleentheid vir aangename praktiese opleiding.

Studente maak ‘n keuse tussen Studierigting 1 en Studierigting 2. Dit kan nie gelyktydig gedoen word nie.

EQUUS-WETENSKAPPE

STUDIERIGTING 1: EQUINE BEHAVIOUR, HORSE CARE EN ANDER KURSUSSE

Hierdie kursusse word aanlyn gedoen by ACS DISTANCE EDUCATION (Australië) en word deur 9 ander lande erken.

Opeenvolgende kursusse: Horse Care 1, Horse Care 2, Horse Care 3.

 

KEUSE VAKKE:

 

Horse Care I, II en III
Business Management. 
Equine Behaviour. 
Child and adolescent mental health. 
Counseling children.

 

Studente kan ‘n maksimum van 3 vakke per jaar neem.

STUDIERIGTING 2: PERD ONDERSTEUNDE TERAPIE

PERDONDERSTEUNDE TERAPIE by PATH Intl. (Amerika) Internasionaal erken

EERSTE SEMESTER

Aanlyn kursusse
Video van die student  se perdemeesterskap
Praktiese rylesse video verslag van 25 uur
Terapeutiese rylesse video verslag met minstens 2 ruiters met spesiale behoeftes word aan Path Intl. gestuur.

 

TWEEDE SEMESTER FASE 2

 

Indien van aansoek
Persoonlike en professionele verwysing
Evaluering

3. INTERNE KURSUSSE

Teorie en Praktyk

Anatomie en fisiologie van die perd. Gedrag, behoeftes, gesondheid, siektes, tropgedrag en lyftaal. Afleer van verkeerde gedrag soos skop, byt en andere. Korrekte leermetodes, afrigting, skoling.

4. KWALIFIKASIE

Aan die einde van die jaar ontvang suksesvolle studente internasionaal erkende sertifikate en sertifikate vir die interne kursusse wat op Mooikrans gedoen is.

5. MENTOR

Elna Wahl is ‘n kundige op die gebied van Perdewetenskappe en Perd-Ondersteunde Terapie en het meer as 40 jaar se ervaring in hierdie veld. Sy skryf artikels, doen radiopraatjies en tree dikwels op as openbare spreker oor hierdie onderwerp. 

Elna het gedurende 2019 ‘n werkswinkel oor Perd-ondersteunde Terapie bygewoon in Tallebudgera, Australië. Dit het veral gehandel oor die fisiologiese belewing en verwerking van trauma met behulp van perd-interaktiewe sessies.

Dit alles verseker dat die opleiding wat op Mooikrans aangebied word op internasionale standaard is.

IS HIERDIE STUDIES BEROEPSGERIG?

Daar is talle gewone ryskole waar daar ook terapie gedoen word. Alhoewel daar wonderlike werk gedoen word wat blywende voordele vir mense met spesiale behoeftes inhou, is daar ‘n groot behoefte aan werklik opgeleide en gekwalifiseerde mense om hierdie vorm van terapie aan te bied.

In Amerika, Kanada en Australië is perd-ondersteunde sielkundige terapie baie bekend en is die uitkomstes daarvan nie alleen uiters suksesvol nie, maar is in baie gevalle so dramaties dat dit as aangrypend bestempel kan word.

Op Mooikrans het ons die afgelope 20 jaar wonderwerke beleef. Van klein kindertjies met balansprobleme, skoolkinders met leerprobleme, tieners met hoë angsvlakke, tot volwassenes met Post Traumatiese Stresversteuring, en vele meer.

Ons doelwit is om meer mense op te lei, sodat meer mense die wonderlike heling wat die perd kan bring kan ervaar.

Ons is oortuig daarvan dat studente met hierdie opleiding ‘n baie groot impak gaan maak in die erdryskoolbedryf, en veral in die Perd-Ondersteunde Terapie industrie. Ons sien dit reeds gebeur met ons studente wat werksaam in hierdie die veld is, al is dit nog op klein skaal.

Ons Blaaie

Koordinate

S 26 56, 234

O 29 44, 328

  • YouTube - White Circle
  • Facebook - White Circle
  • Instagram - White Circle

Kontak Ons

Plaas Mooigelegen, Mooikrans Equus

Amersfoort, Mpumalanga

2490

​Tel:

​0837328172 (Elna, owner)

Email:

 

info@mooikrans.co.za

elna@mooikrans.co.za

© 2020 by Mooikrans Equus | Created by HEADLIGHT MEDIA